Mere mann mein ek Neta ki
Tasveer ubhar kar aayi hai
Izaazt ho to pesh karoon
In sab ka mein raaz kholoon

Sar par Nehru topi daale
Dhoti kurta suti waale
Kandhe par jholi latkaye
Aankhon pe chashma lagaye

Kaath ki chaapal pehna
Gawn Gawn ghoomte hai
Yeh koi aur nahi babu
Humare aajkal ke neta hai

Har Darwaza khat-khatate
Haath jod yeh vinti karte
Apna Vote hummi ko dena bhaiya
Hoga tabhi har dukh duur bhaiya

Lambe chhode bhashan dekar
N.jaane kya kya vade kar-kar
Gareebon ko jaal mein phsaye
Ameeron se hain Note kamaye

Roti, Kapda, aur Makaan
Nahi Marega ab koi Insaan
Wah Kya Naara hai
Yehi Humara Neta hai

Issi aas mein
Issi vishwaas se
Chuna tha inhe
hum sabne

Kya maloon tha badal jayega
Neta humara Abhineta Niklega
Girgit se jyada hai rang inke
Aur Kaam ke to kya kehne

Desh se Gareebe hatta denge
Gareebon ko yeh Mita denge
Hindu Muslim Bhai Bhai
Phir hone wali hai Ladayi

Bhrashtachar mit jaayega
Bhrasht hi to imandaar kehlayega
Nahi ab koi bhuka Rahega
Koi zinda bachega tab Rahega

Berozgari hum hata denge
Hum sabko Kaam Denge
Ek haath mein bandook
dusri mein Talvaar Denge

Desh ki pragati ki hum yojna banayenge
Khud ke khaate Videsh mein khulvayenge
Humara desh Vikaas karega
Aap chhodoge to zaroor karega

Muh Mein Ram, Bagal Mein Churi
dharam hai inka Rishvat Khori
Karam hai inka sab ki chori
Bharti rahe sirf inki Pijori

Jaane kaisa yeh yug hai
Kisan Kaurvon ke sangh hai
Dharti maa ka vastr haran
Karta aaj Yudhishtir hai

Magar Aisa kab tak chalega
Kab tak Woh Inka Saath Dega
Dekhna Ek Din Jagruk Insaan Hoga
Tab inka Sarvanaash hoga
Tab inka Sarvanaash hoga